📍Sot festohet Kurban Bajrami🕋, ditë e bukur☀️, ditë feste dhe plot besim, jo vetëm për besimtarët myslimanë, por për të gjithë komunitetin.
📍Siç e do tradita, së bashku me bashkëpunëtorë dhe përfaqësues të tjerë, ishim për vizitë në xhaminë e qytetit, 🕌ku ndamë momente gëzimi dhe përcollëm mesazhe urimi me drejtues të Myftinisë së Pukës, dhe përmes tyre për mbarë besimtarët.
Gëzuar dhe me shëndet Kurban Bajramin të gjithë besimtarëve myslimanë të Pukës dhe Shqipërisë, shëndet e mbarësi në familjet tuaja!🤲
✅ Puka krenohet me vlerat e saj të bashkëjetesës dhe tolerancës fetare. 🕌🕍 Ne duhet t’i ruajmë dhe t’i konsolidojmë këto vlera, të cilat janë shëmbëlltyrë e shpirtit human dhe qytetar të shoqërisë sonë!

FOTO-ALBUM/ Me shijen e edicionit të 10-të të Festivalit Folklorik Mbarëkombëtar të Talenteve të Reja, që u zhvillua për dy netë me radhë në qytetin tonë, duke e shndërruar Pukën në qendrën e zhvillimeve më të mëdha kulturore të mbarëshqiptarisë, ju uroj javë të mbarë!

Së bashku me deputetin Lodovik Hasani, mikpritëm në zyrë z. Zhani Ciko, një prej emrave dhe personaliteteve më të njohua dhe më të dashura të artit muzikor shqiptar, si dhe përfaqësuesit e grupeve artistike pjesëmarrëse të natës së dytë të Festivalit Folklorik Mbarëkombëtar “Talentet e Reja”, me të cilët bashkëbiseduam mbi organizimin dhe risitë e edicionit të 10-të, ku ndër të tjera u veçua si element i rëndësishëm gjeografia e grupeve pjesëmarrëse, duke i dhënë rëndësinë e duhur këtij manifestimi kulturor.
📍Maestro Zhani Ciko, si gjithnjë dashamirës dhe objektiv, vlerësoi përpjekjet tona për të mbajtur të gjallë folklorin dhe vlerat burimore.
📍Më pas, për të pranishmit parashtrova një panoramë të shkurtër të Pukës, duke i njohur me aspekte të ndryshme të trashëgimisë popullore, resurset e ndryshme që ofron Puka dhe potencialet turistike, të cilat janë një bazë e rëndësishme e zhvillimit të ardhshëm ekonomik të trevës sonë.