U zhvillua ne Puke panairi i produkteve bujqësore, blegtorale dhe artizanale të zonës, ku mes qindra qytetarëve, ishin të pranishëm dhe vizitorë të ardhur enkas nga vendet e tjera. Puka Agro-Fest, tashmë është një event kombëtar, përmasat e të cilit shihen dukshëm në fuqinë promocionale, ndaj dhe bashkërisht duhet të angazhohemi për vlera dhe përgjegjësi të përbashkëta organizative.

Dita e dytë dhe e fundit e edicionit të 9-të të Festivalit Folklorik Mbarëkombëtar të Talenteve të Reja, solli në skenën e Pallatit të Kulturës “Ndue Shyti”, Pukë, 7 grupe konkuruese, që nga Drenasi e Deçani, Gramshi, Kamza, Mirdita, Lezha dhe Fushë-Arrëzi, të cilët përmes repertorit të tyre, sollën një nivel të lartë artistik interpretues, si dhe afirmuan individë dhe grupe të spikatura që japin sigurinë e duhur të ruajtjes dhe përçimit të mëtejshëm të vlerave tipologjike të trashëgimisë dhe folklorit.

“Miq të rinj për Pukën dhe pukjanët”, me këtë moto kemi nisur një urë të re bashkëpunimi me shoqatën ndërkombëtare “Së bashku ne mundemi”, përfaqësuesit e së cilës, znj. Elsa Zeneli, drejtoreshë ekzekutive, znj. Blerina Ceno, koordinatore e përgjithshme, si dhe donatorin e “Duda” shpk, (Hotel “Adriatik” Durrës), pata nderin sot t’i pres në zyrën time dhe t’i falënderoja për ardhjen në Pukë dhe qëllimin e tyre human në mbështetje të dhjetëra fëmijëve me aftësi ndryshe në prag të fillimit të vitit të ri shkollor.

Me ftesë të z. Giampiero Fossi, kryetar i Komunës Signa, Firence, prej dy ditësh, i shoqëruar nga një delegacion prej 5 personash, në përbërjen e të cilit është dhe kryetari i Këshillit të Bashkisë Pukë, z. Eduart Gjoka, po ushtroj një vizitë zyrtare në vendin fqinj, Itali, e cila vjen në vijimësinë e marrëdhënieve në mes dy autoriteteve lokale dhe konfirmimit të vlerave të miqësisë të shprehura kohë më parë përmes binjakëzimit.