Mirësevini
Në faqen zyrtare të Bashkisë Pukë.

Mikprita në zyrë, z. Stefan Rrufa, President i Federatës Shqiptare të Qitjes Sportive; z. Koço Mikerezi, Sekretar i Përgjithshëm i kësaj federate, të shoqëruar dhe nga z. Përparim Laçi, President i Shoqatës Shumësportëshe “Tërbuni”

Mikprita në zyrë, z. Stefan Rrufa, President i Federatës Shqiptare të Qitjes Sportive; z. Koço Mikerezi, Sekretar i Përgjithshëm i kësaj federate, të shoqëruar dhe nga z. Përparim Laçi, President i Shoqatës Shumësportëshe “Tërbuni”, me të cilët diskutuam miqësisht dhe institucionalisht për krijimin e një klime pozitive bashkëpunimi në funksion të organizimit sa më të shpeshtë të eventeve sportive, gjë që do të mundësonte promovimin e Pukës si atraksion turistik.
📍I sigurova drejtuesit e Federatës Shqiptare të Qitjes Sportive se Bashkia Pukë është mbështetëse e sportit pukjan dhe në vizionin e saj, përmes përmirësimit të mëtejshëm të infrastrukturës sportive, synon të jetë një preferencë e eventeve dhe kompeticioneve sportive rajonale dhe më gjerë.

June 13, 2024

📍Së bashku me deputetin Lodovik Hasani, mikpritëm në zyrë z. Zhani Ciko.

Së bashku me deputetin Lodovik Hasani, mikpritëm në zyrë z. Zhani Ciko, një prej emrave dhe personaliteteve më të njohua dhe më të dashura të artit muzikor shqiptar, si dhe përfaqësuesit e grupeve artistike pjesëmarrëse të natës së dytë të Festivalit Folklorik Mbarëkombëtar “Talentet e Reja”, me të cilët bashkëbiseduam mbi organizimin dhe risitë e edicionit të 10-të, ku ndër të tjera u veçua si element i rëndësishëm gjeografia e grupeve pjesëmarrëse, duke i dhënë rëndësinë e duhur këtij manifestimi kulturor.
📍Maestro Zhani Ciko, si gjithnjë dashamirës dhe objektiv, vlerësoi përpjekjet tona për të mbajtur të gjallë folklorin dhe vlerat burimore.
📍Më pas, për të pranishmit parashtrova një panoramë të shkurtër të Pukës, duke i njohur me aspekte të ndryshme të trashëgimisë popullore, resurset e ndryshme që ofron Puka dhe potencialet turistike, të cilat janë një bazë e rëndësishme e zhvillimit të ardhshëm ekonomik të trevës sonë.

June 8, 2024

✅U zhvillua mbrëmë nata e parë e edicionit të 10- të të Festivalit Folklorik Mbarëkombëtar “Talentet e Reja”.

Aktivitet ky i iniciuar posaçërisht nga kryebashkiaku Dodaj dhe i mbështetur në përvojën e krijuar, kryesisht të institucionit të Qendrës Kulturore të Fëmijëve Pukë, të cilët prej vitesh janë baza e fuqishme organizative e kësaj veprimtarie mbarëkombëtare.
📍Grupet pjesëmarrëse, përmes parakalimit të tyre në aksin kryesor të qytetit, të veshur me kostumografinë identifikuese, krijuan një mozaik të këndshëm ngjyrash dhe atmosferë feste.
📍Programi artistik i grupeve konkuruese, erdhi i plotë dhe konform kërkesave të organizatorëve, i ndërthurur me repertor vlerash krijuese dhe interpretuese, duke dëshmuar një cilësi të lartë organizimi dhe vlerësimi të këtij eventi.
📍Me një juri profesionistësh, ky aktivitet, në ditën e dytë që do të mbahet sonte, do të finalizohet me vlerësime dhe çmime për grupet konkuruese, duke u mbështetur në kriteret e vendosura.

June 8, 2024