Të nderuar vëllezër dhe motra të besimit islam dhe mbarë ju qytetar të bashkisë Pukë, më lejoni që në këtë ditë të Kurban Bajramit t’ju përcjell urimet e përzemërta. Kjo festë e madhe, simbol i sakrificës na kujton dhe një herë të gjithëve, dashurinë e Zotit për njeriun, por dhe atë të njeriut për Zotin.
Është zhvilluar sot Konstituimi i Këshillit Bashkiak të Pukës , ku kreu i këtij këshilli me votë unanime u zgjodh z.Enver Sulejmani, nënkryetar, z.Eduart Gjoka dhe anëtar i këshillit të Qarkut z.Ndue Lala.
Rrjeti “Sot për të Ardhmen”, Bashkia Puke në bashkëpunim me Delegacionin e Bashkimit Evropian në Shqipëri, Caritas St. Pölten si dhe NÖKISS Herzogenburg, startuan sot festivalin veror të lojrave për fëmije. Festa e nisur sot do të jetë prezent edhe për dy ditët e ardhshme në qytetin e Pukës.
Në bashkëpunim me Qendrën për Zhvillim Komunitar “Sot për të ardhmen” kemi hapur sezonin turistik, Vere 2019. Muzikë, argëtim, kulinari dhe shpalosje të vlerave pukjane. Këto ishin disa nga elementet e festës tonë të radhës, ku u çertifikuan guidistët e rinj, pjesë e programit “Bijtë e Malit”.
PUKA kaloi një tjetër mbrëmje feste sonte, e cila u organizua në sheshin “Skenderbej” të qytetit koncerti festiv me rastin e Ditës së Kulturës Pukjane. Në 9 Qershor Puka si çdo vit shpalos kulturën, veshjet tradicionale, veglat muzikore që pukjanët i ruajnë me fanatizëm, si dhe talentet e rinjë që spikasin dhe përcjellin më së miri traditën e ruajtur ndër vite. Tingujt e veglave muzikore të shoqëruara me valle rrjedhin edhe më me hijeshi kur interpretohen në një qytet turistik siç është PUKA.