Dëgjova me vëmendje çdo kërkesë të tyre, nevojat janë imediate: infrastruktura rrugore e dëmtuar dhe inekzistene, qendrat shëndetësore jashtë çdo funksionaliteti, mungesa e ujit të pijshëm dhe kanaleve vaditëse, rrjeti elektrik i dëmtuar dhe mungesa me kohëzgjatje e energjisë elektrike, etj.

Prej 16 vitesh me radhë, “Sofra Pukjane”, është jo vetëm manifestimi më i fuqishëm kulturor në qytetin e Pukës, por dhe institucioni më i rëndësishëm kuvendor i bijve dhe bijave të Pukës, që mblidhen dhe bashkohen, për të bashkëbiseduar pa ngarkesën e ndasive të politikës dhe për të përcjellë mesazhet e vlerave që karakterizojnë pukjanët anëkënd vendit

Kur flasim për Pukën dhe perspektivën turistike të saj, krahas resurseve natyrore, turizmi kulturor është një atraksion i mirë që do të promovohet dhe do të synohet fuqishëm. Shtëpia-muze e Migjenit, do t’i nënshtrohet një rikonstruksioni tërësor, duke synuar transformimin e saj në një nga destinacionet kryesore dhe më të vizitueshme në qytetin e Pukës nga turistët vendas dhe të huaj.