Në bashkëpunim me Qendrën për Zhvillim Komunitar “Sot për të ardhmen” kemi hapur sezonin turistik, Vere 2019. Muzikë, argëtim, kulinari dhe shpalosje të vlerave pukjane. Këto ishin disa nga elementet e festës tonë të radhës, ku u çertifikuan guidistët e rinj, pjesë e programit “Bijtë e Malit”.
PUKA kaloi një tjetër mbrëmje feste sonte, e cila u organizua në sheshin “Skenderbej” të qytetit koncerti festiv me rastin e Ditës së Kulturës Pukjane. Në 9 Qershor Puka si çdo vit shpalos kulturën, veshjet tradicionale, veglat muzikore që pukjanët i ruajnë me fanatizëm, si dhe talentet e rinjë që spikasin dhe përcjellin më së miri traditën e ruajtur ndër vite. Tingujt e veglave muzikore të shoqëruara me valle rrjedhin edhe më me hijeshi kur interpretohen në një qytet turistik siç është PUKA.
Me rastin e 9 Qershorit, Ditës së Kultures pukjane, bashkia Pukë organizuan ceremonine e akoordimit të titullit “Qytetar nderi” i bashkisë Pukë, z.Sadri Lleshi, instrumentist ndër vite i “Ansamblit Puka”. Kryetari i bashkisë Pukë, z.Gjon Gjonaj në fjalen e tij vlerësoi artistin Lleshi për kontributin e dhënë në Ansamblin Puka dhe më gjër në jeten kulturore dhe artistike të Pukës.
Për tre ditë më radhë në qytetin e Pukës mbizotroi një atmosfer e veçantë feste. Koloritë mahnitëse ngjyrash dhe tingujsh nga kostumografia jonë kombëtare dhe tingujt e instrumentave popullor që erdhen në Festivalin Mbarëkombëtar të Talenteve të reja e kthyen Puken në festë.
Kreu i bashkisë Pukë, z.Gjon Gjonaj priti një delegacion nga njësi vendore të Republikës së Kosovës dhe asaj të Serbisë, të cilët vizituan bashkinë e Pukës në kuadër të projektit, “Programi i Lëvizshmërisë së Partnerëve dhe Aktorëve në Rajon, SEED Step II” . Ky program ndër të tjera ka për qëllim shkëmbimin e përvojave në rajon në lidhje me tematikat dhe fushë-veprimin e këtij projekti që synon percjelljen e praktikave të mira të qeverisjes lokale në Shqipëri, Kosovë dhe Serbi.