Mirësevini
Në faqen zyrtare të Bashkisë Pukë.

Fillimi i vitit të ri shkollor, kryebashkiaku Dodaj përcjell urimin e tij

𝗨𝗿𝗶𝗺 𝗺𝗲 𝗿𝗮𝘀𝘁𝗶𝗻 𝗲 𝘃𝗶𝘁𝗶𝘁 𝘁𝗲̈ 𝗿𝗶 𝘀𝗵𝗸𝗼𝗹𝗹𝗼𝗿/
Të dashur nxënës!
Të respektuar kolegë mësues!
Të nderuar prindër!
Kam kënaqësinë e veçantë që me rastin e vitit të ri shkollor 2023-2024 t’ ju përcjell urimet e mia më të përzemërta, për sa më shumë suksese në rrugën e dijes e të zhvillimit arsimor!
Në mënyrë të veçantë, uroj vogëlushët dhe vogëlushet që për herë të parë, hyjnë në udhën e bukur e të pafund të diturisë; ata që janë sot shpresa, krenaria dhe dashuria e prindërve dhe gjyshërve të tyre, por njëkohësisht, edhe e ardhmja e jonë.
Të nderuar mësues dhe nxënës, punë të mbarë e suksese në vitin e ri arsimor.
Ne jemi me ju dhe vlerësojmë lart punën dhe përpjekjet tuaja.
Siguroj si nxënësit, punonjësit arsimorë, ashtu edhe prindërit, se Bashkia Pukë do të mbështesë me të gjithë potencialin e saj procesin edukativo-mësimor.
Ne kemi bërë gjithçka në përgatitjen e objekteve shkollore në mënyrë që të jenë gati me rastin e fillimit të vitit të ri shkollor.
Le të jetë ky vit shkollor, një vit i ngritjes në një nivel më të lartë të;
-Cilësisë së shkollimit dhe edukimit, duke nisur nga themeli i gjithçkaje, edukata familjare,
-Shtimit dhe respektimit të virtyteve njerëzore,
-Rritjes së ndjeshmërisë të secilit mbi të drejtat dhe detyrat.
Urime dhe suksese në vitin e ri shkollor!
Përzemërsisht, Rrok Dodaj
September 20, 2023

HAPEN VENDE TË LIRA PUNE NE BASHKINE PUKE

Bashkia Pukë njofton shpalljen e vendeve të lira të punës, sipas kategorive përkatëse. Aplikimi dhe procedurat e mëtejshme, do jenë në përputhje me ligjin nr.152/2013 “Për nëpunësin civil”. Garantojmë, aplikantët për mbarëvajtjen, ligjshmërinë dhe transparencën e plotë të rekrutimit të nëpunësve, process ky, i cili monitorohet  rigorozisht nga Shërbimi Civil.

September 14, 2023

ME MBËSHTETJEN E USD-SË, PUKA DO TË KETË QENDRËN E VET TË GRUMBULLIMIT DHE PËRPUNIMIT TË PRODUKTEVE BUJQËSORE

Me një investim prej 80 mijë USD Puka do të ketë qendren e vet të grumbullimit dhe përpunimit të produkteve bujqësore.
Kryebashkiaku Gjonaj priti në një takim pune përfaqësues të Ministrisë të Bujqësisë, UN Women, FAO, AICS dhe RTM në kuadër të projektit “GREAT – Barazia Gjinore dhe Turizmi”
Bashkia e Pukës është përzgjedhur ndër tre bashkitë e Shqipërisë (Puka, Elbasani dhe Kolonja).
Në këtë kuadër bashkia Pukë do të ndërtoi qendren e vet të grumbullimit dhe përpunimit të produkteve bujqësore, duke ndihmuar grat e zonave rurale, por njëkohësisht dhe duke eleminuar një tjetër germadhë në hyrje të qytetit.

October 29, 2021