Një takim mes institucionesh, kolegësh dhe qytetarësh që zgjedhin të kenë mik të jetës, librin.
Ishte ky i sotmi, nje takim që përmbylli muajin e Artit dhe të Letërsisë, në një mënyrë ndryshe nga zakonisht.
Zëra të ëmbël të rinjësh e mendjet e tyre të ndritura, u gërshetuan më së miri me bisedat e ngrohta dhe miqesore të mësuesve dhe qytetarëve të nderuar që morën pjesë në këtë aktivitet.
Pallati i Kulturës, në mbështetje të pakushtëzuar të Bashkisë Pukë, do të jenë promotore të vlerave të artit dhe kulturës, jo vetëm kombëtar , por duke vënë theksin dhe tek poetët, shkrimtarët dhe artistët vendas.

Në takimin e sotëm me punonjësit e Drejtorisë së Shërbimit Pyjor, u ndala në problematikat e shfaqura në menaxhimin e pyjeve, duke adresuar përgjegjësitë, si dhe duke kërkuar marrjen e masave të mënjëhershme për përmirësimin e gjendjes dhe vlerësimin real të situatës.
Gjithashtu, dhashë porosi të qarta për hartimin e një plani rigoroz që i shërben furnizimit të banorëve me dru zjarri, por njëkohësisht vura theksin tek koordinimi i strukturave të Bashkisë në parandalimin e fenomenit të prerjeve të paligjshme dhe çuarjen para ligjit të kundravajtësve.
Zhvillimin ekonomik të Pukës e kemi mbështetur në një vizioni të qartë dhe afatgjatë, ku pyjet dhe turizmi janë piketat bazë mbi të cilat ne kemi hartuar prioritetet.
Nga ky takim përcolla dhe një mesazh për ish-kryebashkiakun, i cili teksa po përjeton ndjesinë e vetmisë së madhe dhe të përbuzjes nga qytetarët për shkak të arrogancës dhe fodullëkut me të cilën drejtoi këtë institucion për 8 vite, sajon nga mendja e tij diabolike intriga nga më të padëgjuarat.